ياَقلْبيّ آبتًعٌدٍ عَنٍهٌم تًرىّ الليَ فيٌنّي ڪًافٌينٍيّ

ياَقلْبيّ آبتًعٌدٍ عَنٍهٌم تًرىّ الليَ فيٌنّي ڪًافٌينٍيّ

أعيش بدنيتي وأهنا مثل باقي البشر سالي
بدون الحب ياقلبي وبدون هموم تكويني
...
أنا ماعاد فيني روح تبيها تتبعك ثاني
انا فيني جسد باقي بدون شعور يحويني
..
على كثر القلوب اللي هوينا ماصدق واحد !!
ياقلبي ابتعد عنهم ترى اللي فيني كافيني
...
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبي فيني
..
ڪثير أحباب حبينا وعطيناهم بدون حساب
ولاخذنا سوى غدرٍ ملا راحات كفيني ؟؟
...
وكثير أسباب تجبرنا بلا حسوفه نخليهم
لأن والله مافيهم ولا واحد ملا عيني
..
ولكن أكبر الصدمات جتني من يدين اللي
حسبته غير كل الناس ومايعنيه يعنيني
...
هذاك اللي تصورته طموح العمر ياقلبي
هذاك اللي تخيلته هناي وضحكة سنيني
..
عطيته من دفا روحي قصايد أشعلت ليله
وأنا ما أكتب لغيره ولا أي شخص يغريني
...
ڪتبت أحلى ڪلام الحب في عينه ولافڪرت
يجي اليوم اللي أستخسر قصيدي في محبيني
..
على مبدا (الخصوصيه) يحاول يبعد اشكوكي
وعلى مبدا (الصراحه) ڪنت وڪانت لعبته فيني
...
خذلني للأسف والله وهدم كل مابنا بلحظه
وطلع هالحب مايسوى مواطي تراب رجليني
..
أنا كنت أحسبه أعظم علاقاتي ولاظنيت
بأن أعظم علاقاتي بخيانة حب تنهيني !
...
ويـمّـي صاحبي دايم يذكرني بوهم حبي
وأقول: ارتاح ياعمي ترى الله عنْـك مغنيني !
..
خسرت أصحاب من حولي خسرت الكل بأسبابه
ألا حسبي عليه الله كثر ماهو معنّيني
...
أفاااااياقلبي الطيب...أفا وشلون ترضاها
وأنا من صدمة ٍ بالحب إلى صدمه توديني
..
بدون عناد اسمعني ولا تفتح لي الموضوع
حشا لو تفتحه ثاني لأشيلك من شراييني
...
خلاص الحين انساهم وأنا ماعاد فيني حيل
لهم رب ٍ يجازيهم.. ولي رب ٍ يجازيني
[center][center]